CEBU, Philippines — Human ni Melvin "El Gringo" Jerusalem, laing boksidor sa Sanman Gym nga nakabase didto sa General Santos City ang misakmit og korona.
Kini mao si Jerry "Marksman" Francisco, nga mipukan sa kanhi kampiyon nga si Raymond Poon sa Hong Kong aron langkaton ang WBC Asia Continental light flyweight belt niadtong Martes sa gabii didto sa Valencia, Bukidnon.
Human sa kulbahinam ug makutas nga walo ka hugna nga sangka, si Francisco milupig ni Poon pinaagi sa unanimous decision.
Ang 27-anyos nga si Francisco nagkupot na karon og 10-2 rekord uban ang 2KOs, samtang si Poon natagak sa 9-3 uban ang 6KOs.
Ang kalamposan ni Francisco naabot kapin sa usa ka semana lamang sukad ang kauban niyang si Jerusalem mibihag sa Hapon nga si Yudai Shigeoka pinaagi sa split decision aron labnihon ang titulo isip WBC minimumweight champion.