Players sa Jazz ug Rockets gipangsilotan sa NBA

CEBU, Philippines — Ang NBA mipahamtang og silot batok nilang Utah Jazz guard Kris Dunn ug Houston Rockets forward Jabari Smith Jr. tungod sa nahitabong away tali nilang duha sa miagi nilang duwa.

Si Nunn gisagpa sa liga og duha ka duwa ka nga suspensiyon samtang si Smith gi-ban sa liga og usa ka duwa.

Ang ilang panagbangi miulbo sa oras nga singko segundos sa ikaduhang kuwarter atol sa 147-119 nga paglampornas sa Rockets batok sa Jazz niadtong Domiggo.

Mas bug-at ang silot ni Dunn kay siya man maoy nagpasiugda sa away pinaagi sa paglabay og kumo ngadto ni Smith nga mibawos sab dayon.

Silang duha gitawgan og technical fouls ug paregong na-ejected sa duwa.   

Ang 30-anyos nga si Dunn magsugod sa iyang suspensiyon karong adlawa sa dihang sangkaon sa Jazz ang Dallas Mavericks ug dayon batok sa San Antonio Spurs karong Huybes.

Samtang ang 20-anyos nga si Smith molingkod sa duwa sa Rockets batok sa Portland Trail Blazers karon sang adlawa.

Si Smith mi-average og 13. 3 puntos ug 8.4 rebounds matag duwa alang sa Rockets, nga naglukdo karon og 35-35 nga baraha.

Samtang si Dunn adunay average nga 5.3 puntos, 3.9 assists ug 2.8 rebounds matag duwa alang sa Jazz, nga nagbitbit og 29-42 nga marka ug hanap na kaayong makasud pa sa playoffs.