Gilas nadasig sa Pinoy fans didto sa Hong Kong
CEBU, Philippines — Ang bagang panon sa mga Pinoy fans didto sa Hong Kong dako og tabang sa Gilas Pilipinas sa dihang ilang gilampaso ang home team niadtong Huybes sa gabii.
Mismo si Philippine team head coach Tim Cone ang miangkon niini.
Ang Gilas mipatikangkang sa Hong Kong, 94-64, sa una nilang duwa sa FIBA Asia Cup Qualifiers. Bisan tuog og nanulong sa langyawng lapyahan, daghan gihapon kaayo ang midagsa aron abibahan ang Gilas.
Nagdungan pa gani sila og singgit og Uwian na!" sa katapusang kuwarter sa dihang gilubong na og maayo sa Gilas ang HK ug klaro kaayong daog na.
Matud pa ni Cone nakahatag gyud og dugang motibasyon kanila ang mainit nga suporta nga gidalit sa mga Pinoy. No matter where we play there s always a crowd that s gonna be there behind us and cheering, paambit pa ni Cone.
We know that they have to spend their hard-earned money to watch the game and so we truly appreciate them there. I think they were the reason why we came out there in the second half, made a couple of nice plays, dugang pa sa labing daogan nga coach sa kasaysayan sa PBA.
Ang Gilas abante lamang og kuwatro puntos sa halftime, 41-37, apan nagmangtas sa ikatulong kuwarter aron paburoton ang ilang labaw ngadto sa 71-46. Wala na moundang sa pag-abiba ang mga Pinoy nilang dumadapig sa dihang nagsugod na og sulod ang mga itsa sa Gilas.
They really got cheering hard and it kinda lifted our spirits and got some momentum and that kind of keyed our runaway there in the third quarter, padayon pa ni Cone. Ang Nationals naglaraw nga mokadlit sa ikaduha nilang daog sa dihang ilang harongon ang Chinese Taipei karong Dominggo, Pebrero 25 didto sa PhilSports Arena sa Pasig City.
- Latest
