^

Banat Palaro

East mikulit og rekord sa NBA All-Star Game

Emmanuel B. Villaruel - Banat
East mikulit og rekord sa NBA All-Star Game
Damian Lillard

CEBU, Philippines — Si Damian Lillard sa Milwaukee Bucks mipabuhagay og 39 puntos sa dihang gilampornas sa Eastern Conference ang karibal nila sa West, 211-186, sa makasaysayanong 73rd NBA All-Star Game kagahapon didto sa Gainbridge Fieldhouse sa Indianapolis, Indiana.

Ang pambato sa Boston Celtics nga si Jaylen Brown midugang og 36 puntos samtang si Tyrese Haliburton sa Indiana Pacers miamot og 32 puntos alang sa East, nga mipapas sa karaang rekord nga 196 alang sa labing daghang puntos sa usa ka All-Star Game nga girehistro sa West niadtonf 2016.

Ang tinigum nilang 397 puntos mibuak sab sa karaang marka sa labing daghan nga iskor sa All-Star Game og 23 puntos.

"Once we came out in the third and we made a lot of shots, it was like what's the record," matud pa ni Lillard nga milansang og 11 ka 3-pointers. "We found out and we went after it."

"It's an honor. I've been here a few times so to be able to have this kind of accomplishment is special," dugang pa ni Lillard human gipasiduggan nga All-Star MVP. Ang iyang kauban sa Bucks nga si Giannis Antetokounmpo mitampo og 23 puntos alang sa East.

Si Karl-Anthony Towns sa Minnesota Timberwolves mibubo og 31 sa iyang 50 puntos sa katapusang kuwarter apan nakawang ang iyang paningkamot alang sa West. Si Shai Gilgeous-Alexander sa Oklahoma City Thunder mipupo og 31 puntos sa pilderong kawsa. Si Los Angeles Lakers superstar LeBron James misuwat sab og rekord sa ika-20 niyang pagsalida sa All-Star sa edad nga 39 anyos.

Apan tungod sa angol sa wala niyang tiil, si James mi-iskor lamang og otso puntos sud sa ka 14 minutos ug wala na mipakita pa og aksiyon sa second half. 

vuukle comment

DAMIAN LILLARD

Philstar
x
  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with