EJ Agbong mikumpisal nga nameke sa iyang dokumento

CEBU, Philippines — Si Evan Jose Agbong, ang kontrobersiyal nga basketball player sa University of San Jose-Recoletos (USJ-R) Jaguars, miangkon nga nga peke nga mga dokumento ang iyang gisumite ngadto sa Cebu Schools Athletic Foundation, Inc. (CESAFI) aron lamang makab-ot ang iyang tinguha nga makaduwa sa prestihiyosong liga sa Sugbo.

"I am writing to you today in response to the recent allegations of falsifying documents made against me. I understand the seriousness of these accusations and accept full responsibility for my actions," matud pa ni Agbong sa iyang suwat ngadto ni CESAFI commissioner Felix "Boy" O. Tiukinhoy niadting Sabado, Disiembre 2, 2023.

"I admit that the Transcript of Records (TOR) I submitted to the CESAFI from Liceo de Cagayan University contained edited grades. I deeply regret this action, which I undertook in a moment of desperation and poor judgement. My desire to join the league was drive by a combination of factors, including my love for the sport and a specific need to provide for my family due to my wife's condition."

Sa hand-carried nga kopya sa TOR ni Agbong nga gipadala sa USJ-R niadtong Oktubre 17, si Agbong nakapasa sa tanan niyang unom ka subjects sa Liceo.

Sukwahi kini sa sertipikadong tinuod nga kopya sa school-to-school TOR ni Agbong nga gipresnta sa USJ-R niadtong Nobiembre 29 diin makita nga si Agbong na-dropped sa lima sa unom ka mga subjects diin siya na-enrolled sa Liceo samtang ang usa nakakuha siya og grado nga 5.0.

Sa sinugdanan pa lamang, miisa nang daan ang kilay sa pipila human madiskubre sa CESAFI nga ang katapusang tunghaan nga gitambongan ni Agbong mao ang Liceo apan ang TOR ni Agbong nga gipresenta sa USJ-R alang sa pag-screening sa mga players mao ang gikan sa Jose Rizal University (JRU).

Kining tanan nga isyu natubag sa pag-angkon ni Agbong sa dakong sala nga iyang nahimo.

Matud pa ni Agbong nga usa ka desparasyon nga lakang, nakabuhat siya og sayop nga desisyon pagpangayo og tabang sa usa ka higala nga adunay koneskyion sa registrar sa Liceo aron 'doktoron' ang iyang mga grado.

Sa susamang higayon, giklaro ni Agbong nga ang USJ-R way kalabotan sa iyang binuhatan ug siya-siya lamang maoy nameke sa iyang mga rekords.

"I want to emphasize that the Athletics Office, along with the Registrar's Office of the University of San Jose-Recoletos, and my coaches, Coach Carmelito Banua and Coach James Clifford Racines, were not involved in this act. They had no knowledge of the altered grades and only became aware of the situation when the issue came to light puiblicly, and I confessed my actions to them. This was further verified by them only when the school received my official transcript of records," padayon pa ni Agbong.

"I take full responsibility of my decision and am truly remorseful for the disappointment and consequences I have caused to my school, CESAFI, my coaches, my teammates, and my family. I understand that I have violated the trust placed in me and am prepared to face any penalties deemed appropriate by the CESAFI."

"I am committed to learning from this experience and returning to good standing within the CESAFI community. I am determined to demonstrate my true character and dedication to sportsmanship and academic integrity," panapos pa ni Agbong, nga lagmit mag-atubang og lifetime ban gikan sa liga.