^

Banat Palaro

Karong gabii sa Minglanilla Mav’s Phenomenal, Northball All-Stars magbangga

Emmanuel B. Villaruel - Banat

CEBU, Philippines — Makalingaw ug kulbahinam nga aksiyon ang seguradong masaksihan sa mga manan-aw gumikan kay harongon na sa Mav’s Phenomenal ang Northball Cebu All-Stars karong adlawa didto sa Minglanilla Sports Complex sa Minglanilla, Cebu.

Sugdan ang giatngan nga exhibition game sa alas 7:30 sa gabii apan ablihan na ang gate sugod sa alas-3 sa hapon gumikan kay ang mga organizers nangagpas sa bagang panon sa mga fans nga mosaksi sa labing dakong basketball event sa habagatang bahin sa Sugbo sukad sa  pandemiya.

Gipangulohan sa team manager nilang si Dane Grospe, ang Mav’s Phenomenal moparada nilang Erricson “The Reaper” Gabay, Poypoy Actub, Mavrik Bautista, Richard Velchez, Nem de la Cruz, Christian Palma, ug Joshua Roque.

Sangkaon sa Phenom ang dili sab kabintahaan nga Northball nga pagabidahan sa playing coach nilang si Dondon Hontiveros uban ang katapusang tulo ka MVP sa CESAFI nga sila si Rey Suerte, Jaybie Mantilla, ug Shaq Imperial.

Nagkumpleto sa dekalibreng Northball lineup mao sila si Paul Desiderio, Patrick Jan Cabahug, Barkley Ebona, Shane Menina, Joshua de la Cerna, Bernie Bregondo, Lugie Cuyos, JC Escalona, Steve Castro, Alwin Aguirre, Wesley Malazarte, ug Keaton Taburnal.

Gipahigayon uban sa pagtambayayong sa Minglanilla LGU ubos sa liderato ni mayor Rajiv Enad, ang maong kalihukan gipaluyohan sa RD Pawnshop, CSAS, VDrink Malunggay, ug 032 Kicks by Miller.

Ang pipila ka nahibilin nga mga tickets, nga nagkantidad og P150 sa general admission, P250 sa lower box, P400 sa courtside, ug P650 sa VIP section, mapalit gawas sa binyu sugod sa alas-10 sa buntag.

ALL STAR

BASKETBALL

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with