Mga Pinay naka-gold sa jiu-jitsu worlds

CEBU, Philippines — Duha ka mga Pinay martial artists ang misidlak sa  2022 JJIF World Jiu-Jitsu Championships didto sa  United Arab Emirates.

Kini mao sila si Meggie Ochoa ug Kimberly Anne Custodio nga mipugnit og gold medals sa tagsa-tagsa nila ka mga kategoriya.

Si Ochoa, ang labing unang world jiu-jitsu champion sa nasud niadtong 2018,  nanghawod sa women's adult -48kg category. Iyang gipukan ang Canadian nga si Vicky Hoang Ni Ni sa final, 2-0.

Samtgang si Custodio sa sayo pa maoy gikoronahang hara sa women's adult -45kg division.

Gibuntog ni Custodio si Pechrada Kacie Tan sa Thailand sa kampiyonato, 6-4.