^

Banat Palaro

'Engkwentro 7' sa Consolacion Robles dunay pamatud-an sa labing lisud nga hagit

Emmanuel B. Villaruel - Banat
'Engkwentro 7' sa Consolacion Robles dunay pamatud-an sa labing lisud nga hagit

CEBU, Philippines — Naanad na siyang mo-away luyo sa anino sa mas sikat niyang mga kauban.

Karon, turno na ni Berland "The Trigger Man" Robles nga mosidlak.

Sa labing dako nga hagit sa iyang karera, si Robles (5-0, 2KOs) makigbinukbukay ni Jerven "Iron Fist" Mama (12-1-1, 7KOs) sa Sanman Gym sa General Santos City sa sentrong atraksiyon sa "Engkwentro 7" boxing promotion sa ARQ Sports karong Oktubre 15 didto sa Consolacion National High School (CNHS) gym sa Consolacion, Cebu.

Ang 22-anyos nga si Robles, lumad gikan sa Mananga II sa Barangay Tabunok, dakbayan sa Talisay, mikumpisal nga gibati siya og tumang kahinaman inubanan og kakulba nga mopakita'g aksiyon sa main event sa labing unang higayon sa sumosulbong sa niyang karera.

"Sagol kulba ug excited ang akong gibati pagkahibalo nako nga main event ko," angkon pa ni Robles.

Uban niini, ang way pildeng flyweight contender gikan sa ARQ Stable miandam nang daan sa iyang kaugalingon alang sa usa ka malisud nga tahas batok ni Mama, nga kausa pa lamang mapilde sa 14 ka away uban ang usa ka tabla ug pito ka daog pinaagi sa knockout.

"Nindot kaayo ni nga opportunity para nako mao nga maningkamot gyud ko nga makahatag og nindot nga duwa sa mga lumalantaw," dason pa ni Robles.

"Ako sab buhaton tanan kutob sa akong mahimo aron modaog kay niining paagi makabawos ko sa akoang utang kabubut-on sa akong manager, mga coaches ug sa uban pang nagpaluyo niining ARQ Boxing Stable," dugang lpa ni Robles.

Sa laing mga sangka nga angayang atngan sa fans, ang duha ka world-rated OPBF champions nga sila si April Jay "Astroboy" Abne (10-1, 5KOs) ug John Paul "Angas ng Cebu" Gabunilas ( 8-1, 5KOs) mowadwad sa ilang abilidad batok sa managlahing kontra.

Si Abne, ang kasamtangang hari sa OPBF Silver flyweight division nga rank No.28 sa World Boxing Council, makigtige batok ni Ramil Antaran, samtang si WBC rated No.29 ug OPBF Youth light flyweight champion Gabunilas makigsinukliay og kumo uban ni Ronald Alapormina.

Lain pang mga pambato sa ARQ nga mokumbati mao sila si Bryan James "Wild Fury" Wild vs Carlo Demicillo sa Big Yellow Stable; Rodel "The Hulk" Wenceslao vs Edison Berwela sa Manila; Bryx "The King" Piala vs Ronvex Capuloy sa Big Yellow Stable; Ramil "The Sharp" Macado vs Renoel Pael of Leyte;Ian Paul "Assassin" Abne vs Charlie Malupangue sa Sindangan, Zamboanga del Norte; Yerroge "Scientific Boxer" Gura vs Anthony Gibuela sa RMC Stable; ug John Vincent Pangga vs Vergilio Silvano.

BOXING

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with