^

Banat Palaro

1st Bullet Jalosjos Triathlon sa Dapitan karong weekend

Emmanuel B. Villaruel - Banat

CEBU, Philippines — Taliwala sa malampuson nilang pagpasiugda og duha ka sagunson nga nasudnong mga torneyo diin usa lamang ka semana ang gintang sa usa'g usa sa miaging bulan, padayon nga midagayday ang mga kalihukan sa paugnat sa kusog didto sa dakbayan sa Dapitan sa Zamboanga del Norte.

Ning higayona usa ka multi-sport event.

Karong Dominggo, Oktubre 9, didto sa Dapitan Boulevard, ang nabantog nga "Shrine City" sa Pilipinas mopahigayon sa 1st Mayor Seth Frederick "Bullet" Jaloslos Cup triathlon competition nga pagasalmotan sa labing tang-an nga mga triathletes sa Mindanao nga gipangulohan sa Tri SND Barracuda ni Ulwan Dimaporo.

"Kanunay man gyud mi nagpasiugda og triathlon dinhi sa Dapitan sa una pa kay atong gina-hone ang  talents sa atong mga kabatan-onan ilabi na karon nga dali ra kaayo tang makakita og mga batan-on nga nag-bike, nag-swim ug nagdagan," matud pa ni Dapitan Tourism Officer Apple Marie Agolong.

"On the part pud sa city government, the new administration is bent on really pushing sports tourism and heritage to its maximum level mao nang ipadayon ni namo ang triathlon," dugang pa ni Agolong. "We're so happy nga ang among mayor (Buller Jaloslos) athlete sab, halos tanan seguro nga mga sports kabalo siya unya suportado niya."

Ang makutas nga lumba naglangkob og 500-meter open water swim, 25km bike, ug 5km run.

Mga kategoriya nga kumbatihan mao ang male 17 Under, 18-24, 25-29, 30-39, 40-49, ug  50-above ug female 25 Under ug 26-above.

Si Agolong nagkanayon nga gamay raman tuod kining umaabot nilang kalihukan apan nanghinaut sila nga pinaagi niini makatikang sila og dako dayon na ngadto sa pagkab-ot sa ilang tinguha nga maka-host og prestihiyosong 5150 Triathlon event sunod tuig.

"We're very happy nga in the works na ang Dapitan 5150 Triathlon," dason pa ni Agolong. "Usa sab na sa purpose nganong amo ning ipahigayon nga triathlon so that makita namo kung unsay among mga kakulangon especially so nga mag-abot ang mga athletes makahatag pud sila og mga recommendations and suggestions sa angayan nga mga buhaton namo."

TRIATHLON

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with