^

Banat Palaro

7-Eleven Run 2022 Kenyans, negrense nanghawod

Emmanuel B. Villaruel - Banat

CEBU, Philippines — Ang Kenyan national nga si Joseph Mururi ug ang beteranong runner nga si Stephanie Cadosale gikan sa Escalante City, Negros Occidental maoy midominar sa malampuson nga 7-Eleven Run 2022 didto sa Cebu Business Park sayo kagahapon sa buntag.

Si Mururi maoy mirehistro sa labing papas nga oras sa tanan - duha ka oras, 41 minutos, ug 55 segunos aron langkaton ang men's open title sa makutas nga 42K category.

Ang kababayan ni Mururi nga si Leonard Kemboi mipahiluna sa ikaduhang dapit sa oras nga 2:44:43 ug gisundan kini ni Florendo Lapiz sa Cebu Spectrum Runners sa oras nga 2:50:34.

Sila si Aldren Montegrande ug Joliemar Aquino ang mi-okupar sa sa ikaupat ug ikalimang puwesto sa oras nga 3:24:31 ug 3:47:17.

Sa women's division, si Cadosale ang gikoronahang hara bitbit ang labing nindot nga oras nga 3:34:44.

"Kapila na man ko naka-apil og lumba dire sa Cebu pero karon pako na-first," matud pa sa 28-anyos nga si Cadosale.

Si Evamie Villarin, nga usa ka multi-titled ultra racer gikan sa Dipolog City ug sakop sa Spectrum Runners, nalandig sa ikaduhang dapit sa oras nga 3:47:57. Si Kay Razel Cundangan maoy na-3rd sa oras nga 3:53:41.

Nagkumpleto sa top 5 mao sila si Josephine Rodriguez (4:07:58) ug Joy Tandoc (4:07:59).

Laing Kenyan nga si Eric Chepsiror maoy nanghawod sa men's 32K saoras nga 1:54:44 ug gisundan kini nilang Jerome Casinillo (1:58:01) ug Maclin Sadia (2:01:12). Sila si Rinmarch Gonzaga (2:14:11) ug Pedro Canumay (2:24:27) mitapos sa ikaupat ug ikalimang dapit.

Ang top 5 sa women's 32K mao sila si Lizanne Abella (2:43:23), Lucita Fernandez (2:59:07), Riza Bausin (3:00:31), Lorna Amor (3:01:24), ug Jordine Cliane Gairanod (3:47:49).

Sa laing bahin, sila si Prince Joey Lee ug Ruffa Sorongon maoy naghari sa 21K.

Si Lee ang kampiyon sa men's sa oras nga 1:11:07 ug gisundan kini nilang Jeson Agravante (1:19:49) ug  Andy Toniacao (1:21:13). Si Sorongon ang mibira sa korona sa women class sa oras nga 1:28:20 ug gisundan kini nilang Cherry Andrin (1:33:56) ug Jennelyn Nobleza (1:37:28).

RUN

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with