_banat
^

Banat Palaro

Clippers gilampornas ang Pistons

Emmanuel B. Villaruel - Banat

CEBU, Philippines — Si Reggie Jackson mikadlit og 21 puntos samtang si Terance Mann miamot og 16 puntos ug `10 ka rebounds sa dihang gilampaso sa Los Angeles Clippers ang nagkagidlay nga Detroit Pistons, 107-96. Wala sab magpa-alkansi si Eric Bledsoe nga mitali og 15 puntos alang sa Clippers nga katulo pa lamang modaog sa miagi nilang pito ka duwa.

Misalida sab si Paul George uban ang 12 puntos, si Ivica Zubac mihipos og 10 puntos ug 13 ka rebounds, samtang si Isaiah Hartenstein midonar og 10 puntos ug lima ka rebounds alang sa Clippers nga nagmaya atubangan sa 18,100 nila ka fans didto sa Staples Center.

Si Jerami Grant miposte og 20 puntos, 10 ka rebounds ug tulo ka assists alang sa Pistons, nga napukan sa ikalimang sunod-sunod nga higayon.

Mikolekta si Trey Lyles og 13 puntos ug lima ka rebounds, samtang si Cade Cunningham mirehistro og 10 puntos, unom ka rebounds ug unom sab ka assists sa pilderong kawsa.

LOS ANGELES CLIPPERS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with