_banat
^

Banat Palaro

Hotshots, Tropang Giga naglaraw luna sa finals

Emmanuel B. Villaruel - Banat
Hotshots, Tropang Giga naglaraw luna sa finals

CEBU, Philippines — Ang Magnolia Hotshots ug TNT Tropang Giga parehong nagtirada og luna sa kampiyonato apan angayan silang mangandam alang sa usa ka malisud nga hagit batok sa ilang mga karibal sa Game 6 sa  46th PBA Philippine Cup best-of-seven semifinals karong adlawa didto sa Don Honorio Ventura State University gym sa Bacolor, Pampanga.

Naglabaw unta ang Magnolia sa baraha nga 3-1 apan ang Bolts, luyo sa impresibong salida nilang Allein Maliksi, Nards Pinto, ug Chris Newsome, naka-angkon pa og laing kinabuhi human nakaipsot batok sa Hotshots, 102-98, sa Game 5 niadtong Miyerkules.

Abante pa gihapon sa serye, 3-2, ang Hotshots ni coach Chito Victolero mosuway na sab pagtagak sa Bolts sa dihang magsangka na sab sila karong alas-6 sa gabii.

Sa gihapon, sila si Ian Sangalang, Paul Lee, Calvin Abueva, ug Mark Barroca maoy labing saligan sa Hotshots nga mo-abaga sa ilang misyon pagtikang sa sunod nga hugna sa torneyo.

Samtang ang Bolts magsandig nilang Newsome, Maliksi, Pinto ug Raymond Almazan sa ilang tinguha nga makapuwersa og tinagakay nga Game 7.

Sa pasiunang duwa sa alas-3 sa hapon, tumong sa Tropang Giga nga makataak sa finals sa ilang pakig-engkuwentro og usab sa Beermen.

Ang TNT nanginahanglan og usa na lang ka daog aron maka-abot sa kampiyonato human gilampaso ang Beermen, 110-90, sa miaging duha ka gabii aron pagrehistro og 3-2 nga labaw sa serye.

Iparada na sab sa Tropang Giga ang ilang mga sinaligan nga sila siMikey Williams,Poy Erram, Jayson Castro, Kelly Williams, Troy Rosario ug RR Rogoy sa tinguha nga makasud sila sa conference finals sa ikaduhang sunod-sunod nga higayon.

Aron kini mahitabo, kinahanglan nga tiwasan sa TNT ang Beermen, nga seguradong mopuga sa abilidad nilang six-time MVP June Mar Fajardo, CJ Perez, Arwind Santos, Terrence Romeo, Mo Tautuaa, Marcio Lassiter, Chris Ross, ug Alex Cabagnot sa dihang mosuway kini paglugway sa serye ngadto sa tibuok niining rota nga pito ka duwa.

HOTSHOTS MAGNOLIA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with