Canelo mipaundang ni Saunders sa ikawalong hugna
CEBU, Philippines — Nahimo na karong WBA, WBC ug WBO super middleweight champion si Canelo Alvarez human niya gipaundang sa ikawalong hugna ang kanhi wa'y pildeng si Billy Joe Saunders sa ilang sangka kagahapon didto sa AT&T Stadium sa Arlington, Texas.
Higpit kaayo ang sangka tali sa duha ka kampiyon sa pito ka hugna, Nausab ang away sa ikawalong hugna human si Alvarez mipatama sa iyang naghaguros nga kumo nga naka-injured sa mata ni Saunders.
Naaghat ang corner sa paghunong sa away ug si Alvarez gideklara nga mananaog pinaagi sa stoppage.
Usa ka hurado mihatag og 77-75 ngadto ni Alvarez atol sa stoppage, ang laing duha miiskor og 78-74.
Sa maong daog, napalambo ni Alvarez ang iyang rekord ngadto sa 56-1, 38KOs.
Bugtong niyang pilde gikan sa mga kamot ni Hall of Famers Floyd Mayweather Jr. niadtong 2013. Si Saunders nakatilaw sa labing una niyang pilde sa 31 ka away, diin 14 sa iyang mga biktima pulos gipakamang.
- Latest