CEBU, Philippines — Usa ka dakong grasya ang nadawat ni Allein Maliksi human lugwayi ang iyang kontrata sa Meralco Bolts.
Ang 33-anyos nga si Maliksi nipirma og bag-ong kontrata niadtong Lunes dihang ang koponan opisyal nisugod sa ilang group workouts didto sa Meralco gym sa Ortigas. Wala pa hinuon gibutyag ang unod sa kontrata nga gipirmahan ni Maliksi sa presensiya ni Meralco manager Paolo Trillo ug representative Danny Espiritu.
Si Maliksi dako og natabang sa kampanya sa Bolts sa miaging PBA Philippine Cup diin niabante sila sa semifinals sa labing unang higayon sa kasaysayan sa prangkisa.
Ni-average siya og 10.4 points ug 4.1 rebounds, samtang aduna siya'y 35 percent gikan sa three-point range.