Tubid balik PBA isip asst. coach sa Terrafirma

CEBU, Philippines — Ang beteranong guwardiya nga si Ronald Tubid mobalik sa PBA dili usa ka player, kondili isip assistant coach sa Terrafirma Dyip alang sa Season 46 sa liga.

Wala makaduwa si Tubid sa bisan unsang koponan sa miaging tuig human ang iyang mother team San Miguel Beermen wala na motanyag kaniya og bag-ong kontrata ug gibutang sa unrestricted free agent.

Apan ang  Dyip bukas ilang pultahan ngadto ni Tubid aron mahimong kabahin sa coaching staff ni Johnedel Cardel uban sa prangkisa diin siya niduwa atol sa 2017-2018 season.  Si Tubid ni-average og 6.7 points ug 3.2 rebounds sa 30 ka mga duwa uban sa Dyip nga igo lang nitala og 6-27 record  sa maong season.

Human sa hamubong panahon, ang 39-anyos nibalik sa kampo sa Beermen atol sa offseason trade alang kang Keith Agovida.

Nidaog siya og dugang duha ka kampiyonato uban sa Beermen, ang Philippine  Cup ug Commissioner's Cup.