CEBU, Philippines — Ang walo ka bahin nga dokumentaryo kabahin sa kinabuhi ni ahing Kobe Bryant gikatakda nang ipasalida sunod semana.
Gigaling sa ClutchPoints, ang "The Final Ring" magpasundayag sa pinak nga titulo ni Kobe uban sa Los Angeles Lakers niadtong 2010.
Apil sa maong dokumentaryo mao ang interbyu gikan sa mga teammates ni Kobe nga sila si Pau Gasol, Metta World Peace ug Derek Fisher.
Makita kini sa Facebook, Instagram ug YouTube accounts sa ClutchPoints.
Ang nag-unang duha ka episodes ipagawas karong Hulyo 6 ug Hulyo 9 (oras dinhi sa Pilipinas). Samtang ang sunod nga mga episodes ipasalida matag Domingo ug Miyerkules hangtod sa Hulyo 30.
Si Bryant nakaduwa og 20 ka seasons sa NBA uban sa Lakers diin siya nakadaog og lima ka kampiyonato. Ikaupat sab siya sa listahan sa NBA all-time leading scorers.
Sa edad nga 41-anyos, si Bryant namatay niadtong Enero 26 sa helicopter crash nga mikalas og lain pang walo ka mga kinanuhi apil na ang 13-anyos niyang anak nga si Gianna.