'Mga tinuod nga MVP' Fajardo misaludo sa mga health workers
CEBU, Philippines — Mihimo og kasaysayan ang Sugboanong si June Mar Fajardo isip labing unang player sa PBA nga nakadaog og unom ka sagunson nga MVP awards.
Apan ning kritikal nga sitwasyon diin ang nasud ug ang tibuok kalibotan gihamok sa makalilisang nga virus, ang mga medical workers ug uban pang mga frontliners maoy tinuoray nga MVP alang ni Fajardo.
"Salamat sa sakripisyo nyo. Kami sa San Miguel Beermen, ang prayer namin ay manatili kayong safe," matud pa sa garbo sa lungsod sa Pinamungajan sa habagatang bahin sa Sugbo.
Sa hilom, si Fajardo nakahatag na og hinabang ngadto sa mga nangu sa gubat batok ning bagsik nga virus ug ingon man niadtong mga labing nanginahanglan ning panahon sa krisis.
Ang mga teammates ni Fajardo sa San Miguel Beermen nga sila si Arwind Santos ug Terence Romeo mipadayag sab sa ilang pagyukbo ngadto sa mga health workers nga nagsakripisyop sa ilang kinabuhi aron lamang maluwas ang uban.
"Ako po at ang aking buong pamilya ay patuloy na magdasaral na bigyan kayo ng lakas at talino na sugpuin ang kumakalat na virus.Saludo kami sa inyo," sumala pa ni Santos.
"Hello sa mga health workers lalo na sa mga doctors at nurses. Salamat sa inyong sakripisyo at pagmamalasakit. Higit sa lahat lagi kayong kasama sa aming mga panalangin," batbat pa ni Romeo.
Apil sab sa mga mipadangat sa ilang pag-abiba sa mga health workers pinaagi sa usa ka Facebook post niadtong Domingo mao sila si San Miguel Corporation sports director Al Francis Chua, LA Tenorio, Prince Caperal, Japeth Aguilar, Joe Devance, Mark Caguioa ug Scottie Thompson sa Ginebra; Arwind Santos, Marcio Lassiter, June Mar Fajardo, Chris Ross ug Terrence Romeo sa San Miguel ug Paul Lee, Ian Sangalang, Johnny Abarrientos, Mon Abundo, Rome dela Rosa ug Marc Pingris.
- Latest
