Guiao taas pagsalig sa Sugbuanong players
CEBU, Philippines — Si NLEX coach Yeng Guiao mi-angkon nga nagpanikad na gyud unta ang Road Warriors nga mopakitag aksiyon sa PBA Philippine Cup niadtong Miyerkules batok sa NorthPort apan nabaraw ang gibati nilang kahinam kay gi-suspenso man sa PBA ang kasamtangang niining season gumikan sa COVID-19 pandemic.
“We ended our season last November so it’s been over a three month wait for us,” matud pa ni Guiao sigun sa taho sa The Philippine STAR, igsoong mantalaan sa Banat News.
Nunot sa kasamtangang sitwasyon, si Guiao nagkanayon wa pay nasayud kon kanus-a mabalik ang aksiyon sa liga ug bisan ang ilang praktis man lamang.
Iya hinoon nga gipaneguro nga mosunod sila sa tanang kamandoan subay sa tinguha sa kagamhanan nga malikayan ang pagkuyanap sa bagsik kaayong virus nga nanghasi karon sa tibuok kalibutan.
“We don’t know when we’ll be back in business,” kanayon pa ni Guiao. “We also put together a protocol for them to follow with their families from our team doctor. The priority is to keep everyone safe and clean.”
Kon ugaling mabalik na sa normal ang sitwasyon ug ilibkas na sa PBA ang pag-suspenso niini sa liga, si Guiao masaligon kaayo sa ilang tsansa uban ang duha ka pambato niyang mga Sugbuanong players nga sila si JR Quiahan ug William McAloney.
“J.R. Quinahan is our primary post option and we know he can deliver,” dason pa ni Guiao. “J.R. was our leading big man scorer last season. We’re bringing in rookies Will McAloney and Mike Ayonayon with A. C. Soberano on reserve. Will’s 6-4, a good defender and blue-collar worker. He’s a tough power player.”
- Latest
