Baeng nagmangtas dayon sa CABL Dabarkads Cup 2020

CEBU, Philippines — Nagmangtas dayon si Baeng Medalle ug mipabuto kini'g 22 puntos aron pangulohan ang YG Logistics nga midemolis sa Rollway/Abay-Abay Customs Brokerages, 74-60 sa una nilang duwa sa Cebu Aduana Basketball Legends (CABL) Season 3 Dabarkads 2020 niadtong Sabado diha sa Tinago gym, Dakbayan sa Sugbo.

Gawas ni Medalle, laing miiskor og double figures alang sa YG Logistics mao silang Jaymar Elloren ug Mikel Villarias. Si Elloren miligwat og 16 puntos, samtang si Villarias miugkat og 13 puntos sa YG Logistics nga labaw lang og dos puntos sa halftime, 32-30.

Apan luyo sa kakugi nilang Medalle, Elloren ug Villarias, miburot ang labaw hangtod naangkon sa YG Logistics ang 14 puntos nga kadaogan.

Bugtong si Aron Embrado lang ang nakakuha og double figures sa Rollway/Abay-Abay nga adunay 14 puntos.

Sa laing aksiyon, ang Thor & GJA gisugat sab og daog batok sa D&C sa iskor nga 76-69.

Sila si Jim Villa ug James Jordan nagkumbinar og 42 puntos aron agakon ang Thor & GJA nga nakabawi human maalkanse og sayes puntos pagtapos sa first half, 35-41.

Si Villa mitikdol og 22 puntos, samtang si Jordan mitimang og 20 puntos alang sa ilang 1-0 nga baraha.

Topscorer sa D&C mao si Rex Bensi nga mikamada og 13 puntos, gisundan nilang Entero ug Castillo sa ilang 12 ug 11 puntos.

Gisugat sab og daog ang Grancho Customs Brokerage batok sa OPASCOR, 73-66.

Nangulo sa maong kadaogan si Jerry Singson nga miburak og 19 puntos.

Si Efren Reyes mitampo'g 10 puntos sa Grancho nga abante og singko puntos human sa duha ka kuwarter, 29-24.

Duha sab ka players sa OPASCOR ang miiskor og double figures pinangulohan ni Siegfred Pastor nga mihakot og 13 puntos, gisundan ni Karl Daculan nga mikoleta'g 12 puntos.

Ang liga giorganisar nilang Sidney Ganapin, Noel Medalle, Ferdi Sigue, Janno Boniao ug Jun Gayo.

PUNTOS MATAG USA

Unang duwa:

YG Logistics (74) – B. Medalle 22, Elloren 16, Villarias 13, Dejaresco 6, Rollon 4, Villacastin 4, Gonzales 2, Librando

2, Inhambre 2, Villahermosa 1.

ROLLWAY/Abay-Abay (60) – A. Embrado 14, Cal 8, Embrado 6, Jamolin 4, Elorde 4, Sepe 4, Solis 4, Oswa 2, Palad 2, Josaphat

2.

Ikaduhang duwa:

THOR &GJA (76) - Villa 22, Jordan 20, Diano 9, Bacalla 4, Aragon 4, Tan 3, Bruce 3, Lima 2.

D&C (69) – Bensi 13, Entero 12, Castillo 11, Alaan 7, Labana 6, Villacampa 2, Deniega 2.

Ikatulong duwa:

GRANCHO (73) –Singson 19, Reyes 10, Encabo 9, Cañal 6, Agustinez 6, Capiton 4, Publico 4, Cabase 2.

OPASCOR (66) – Pastor 13, Daculan 12, Gaviola 7, Abesia 6, Rongcales 5, Respecia 4, Garcia 4, Lopeña 2, Empleo 2,

Sepucado 2, Alferez 2, Solidarios 1.