^

Hart nangulo sa Pelicans

Emmanuel B. Villaruel (Banat) - March 8, 2020 - 12:00am

CEBU, Philippines — Mikulit og 19 puntos ug 12 ka rebounds si Josh Hart, samtang si star rookie Zion Williamson mitali og 17 puntos aron agakon ang New Orleans Pelicans ngadto sa 110-104 nga kadaogan batok sa Miami Heat.

Mao kini ang labing unang higayon sud sa 14 ka duwa nga si Williamson wala maka-abot og 20 puntos, apan bisan pa man niini milampos gihapon sila pagpabugnaw sa Heat nga gikahimuot sa bagang panon sa ilang fans didto sa Smoothie King Center.

Mitampo si Brandon Ingram og 12 puntos alang sa Pelicans nga mipakgang sa tulo ka sagunson niining pilde.  

Dako sab og natampo sila si Jrue Holiday ug Lonzo Ball nga nagkumbinar og 36 puntos alang sa Pelicans.

Si Jimmy Butler mi-iskor og 28 puntos, si Duncan Robinson dunay 24 puntos, apil na ang walo ka tres, samtang sila si Goran Drajic ug Andre Iguodala nagkumbinar og 25 puntos, apan silang tanan nangaminghoy gumikan kay naputol ang upat ka sagunson nga daog sa Heat.

Sa laing mga duwa, si Mike Conley mitimbre og 25 puntos alang sa Utah Jazz nga mipayaka sa Boston Celtics, 99-94, ang Washington Wizards midaog sab batok sa Atlanta Hawks, 118-112.

Gilubong sa Brooklyn Nets ang San Antonio Spurs, 139-120, samtang gipanitan sab sa Orlando Magic ang Minessota Timberwolves, 132-118, ang Phoenix Suns mipakaging sa Portland Trail Blazers, 127-117.

Ang Oklahoma City Thunder mipakugang sa New York Knicks, 126-103, ang Indiana Pacers mitumba sa Chicago Bulls, 108-102 ug ang Dallas Mavericks milubong sa Memphis Grizzlies, 121-96.

PELICANS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with