Lebron James dunay pambata nga libro

CEBU, Philippines – Si LeBron James puwede nang opisyal nga modugang sa titulo nga 'author' kon tigsuwat sa hataas nga listahan sa iyang mga nakab-ot sa mabulukon niyang karera.

Kini human ang HarperCollins Publishers, usa ka publishing company ang atua magbasi sa New York, mipahibalo kagahapon nga duna sila'y duha ka libro nga kasabotan uban sa foundation ni James.

Si  James naghatag og libreng tuition sa mga estudyante sa "I Promise", ang tunghaan nga gitukod sa three-time NBA champion ug five-time MVP.

Ang una niyang libro nga giulohan og "I Promise" libre alang sa mga bata nga gikatakdang ipagawas karong Agosto 11.

Ang maong libro nadasig sa programa sa "I Promise" nga naghatag og libre ug dekalidad nga edukasyon sa mga bata nga hinikawan sa maayong palad didto sa Akron, Ohio, ang yutang natawhan ni James.

"I can't wait for everyone to read this, share this, feel empowered, and strive for greatness the same way my kids from Akron do every day," suwat pa ni James sa iyang Instagram.