Kai Sotto MVP didto sa Atlanta
CEBU, Philippines — Padayong nimugna og kasikas didto sa Estados Unidos ang pangan ni teen giant Kai Sotto human siya gibayaw nga MVP sa King Invitational basketball tournament didto sa Atlanta.
Ang 7-foot-2 nga si Sotto, kinsa miduwa sa TSF National, midominar sa maong amateur basketball league diin mi-average siya og 27 points, 10.6 rebounds, 3.0 assists ug 4.3 blocks.
Atol sa championship game, si Sotto miburak og 27 puntos, 10 ug unom ka blocks aron pangulohan ang TSF sa 122-102 nga kadaogan batok sa Believe Prep-South Carolina.
Sa iyang kadominante, si Sotto migawas karon nga rank No. 11 isip mga bigmen prospects sa 2021 NBA Draft Class.
Nakadawat na usab og mga imbitasyon si Sotto nga moduwa sa US NCAA gikan sa mga elite basketball teams sa kolehiyo sama sa Kentucky, Georgia Tech, DePaul ug Auburn.
- Latest