Castro way klaro kung makaduwa uban sa Gilas sa SEA Games
CEBU, Philippines — Kaduha-duhaan na kung makapakita ba og aksiyon uban sa Gilas Pilipinas atol sa Southeast Asian Games sunod buwan ang veteran PBA superstar nga si Jayson Castro human kini nakahiagum og injury atol sa katapusang duwa sa Southeast Asian Games.
Ang kanhi giila nga ‘best point guard in Asia’ nakahiagum og injury sa bagtak ug gideklarar nga kinahanglan kini nga mopahuway sa Gilas practice ug sa nagpadayong PBA Govs Cup.
Bati nga balita tungod kay kinahanglan mopahuway si Castro sud sa usa ka buwan.
“It’s (soleus) a muscle connected at the back of the calf and connected to the back of the leg. Jayson had his MRI last night, which revealed he had a muscle strain,” matud pa sa physical therapist sa TNT nga si Dexter Aseron sa Sports5. “Our estimate is he will be out for at least a minimum one month.”
Ang 33-anyos giatangan unta nga moduwa alang sa Gilas human sa paghaw-as niini sa retirement uban sa national team sa miaging World Cup. Si Gilas coach Tim Cone miingon nga dakung adjustment ilang buhaton ilabi na nga si Castro ang gisaligan niya nga team captain.
Wala pa gi-anunsiyo ni Cone sa kung kinsa iyang ihulip ni Castro sa Gilas pool. Ang Gilas gitakda nga mopahigayun og serye sa mga tuneup games batok sa mga PBA teams ug Alab Pilipinas.
- Latest
