CEBU, Philippines — Ang Fil-American nga si Jason Brickman kompirmado nga moduwa sa Alab Pilipinas sa sunod season sa ASEAN Basketball League.
Si Brickman miduwa sa miaging season sa Mono Vampire Thailand ug natuman na gyud ang dugay na niyang gipangandoy nga moduwa sa Alab ni coach Jimmy Alapag.
Mi-average siya og 12.8 points ug 8.9 assists uban sa Mono Vampire nga iyang gitabangan nga mosulod sa playoffs.
Si Brickman kanhi MVP sa ABL niadtong tuig 2016, apan iyang gipadayag nga gusto siya modaog og kampiyonato uban sa Alab.
Wala usab gilimod ni Brickman nga human sa 2019-2020 season sa ABL, plano niya nga moapil sa PBA rookie draft.
Seguradong ilogan si Brickman sa mga koponan sa PBA tungod sa iyang kasinatian ug abilidad sa scoring.