Apo ni gabriel Elorde moaway og world title
CEBU, Philippines — Ang apo sa Cebuano boxing legend Gabriel 'Flash' Elorde nga si Juan Miguel maoy napiling challenger alang sa WBO super bantamweight title nga gihuptan sa Mehikanong si Emanuel Navarrete sa Septiyembre 14 didto sa Las Vegas.
Kini ang ikatulong sangka ni Elorde gawas sa nasud. Ang 32-anyos nga si Elorde lab-as pa sa iyang unanimous decision nga kadaogan batok sa Hapon nga si Shohei Kawashima niadtong Marso didto sa Parañaque City.
Si Elorde nga maoy naghupot sa WBO Asia Pacific title, adunay rekord nga 28-1, 15KOs, samtang si Navarrete naghupot og 28-1, 24KOs nga baraha.
Maisip nga underdog kaayo si Elorde kay si Navarrete giisip nga usa ka sumusulbong nga Mexican boxing star dihang siya ang mipalagpot sa trono sa kanhi undefeated Ghanaian nga si Isaac Dogboe.
- Latest
