Simmons di buhian sa 76ers
CEBU, Philippines – Si Ben Simmons mao unya ang sunod nga bitoon nga higtan sa Philadelphia 76ers.
Ang Australian All-Star point guard ug ang 76ers mihimo karon og negosasyon nga lugwayan ang kontrata ni Simmons ngadto sa lima ka tuig sa kantidad nga $170 million.
Ang maong kasabotan magsugod sa 2020-2021 season.
Si Simmons duna pa'y madawat nga $8.1 million karong season nga maoy katapusan sa upat ka tuig nga kontrata nga iyang gipirmahan uban sa Philadelphia niadtong rookie pa siya.
Sa sayo pa, gipabilin sab sa Sixers sa ilang poder si Tobias Harris pinaagi sa pagpapirma niini og lima ka tuig nga kontrata nga mibalor og $180 million.
Aron palig-onon pa og samot ang ilang puwersa, ang Sixers mibira ni Al Horford gikan sa Boston Celtics sa kantidad nga $109 million sud sa lima ka tuig.
- Latest
