NorthPort batok Blackwater
CEBU, Philippines – Gipaabot nga gamiton dayon ni NorthPort Batang Pier coach Pido Jarencio ang tulo niya ka mga bag-ong sinaligan nga sila si Sol Mercado, Kevin Ferrer ug Jervy Cruz sa ilang sangka batok Blackwater Elite sa PBA Commissioner's Cup karong adlawa didto sa Cuneta Astrodome.
Sugdan ang duwa sa alas-4:30 sa hapon.
Ang Batang Pier kasamtangang nag-una sa standing uban sa TNT KaTropa sa ilang 6-1 nga baraha.
Ang tulo nakuha sa NorthPort gikan sa Ginebra bugti ni Stanley Pringle sa usa ka 'blockbuster trade' niadtong Martes.
Ang beteranong si Mercado gitan-aw ni Jarencio nga mogiya sa koponan, samtang haom usab sila si Ferrer ug Cruz sa iyang sistema kay mga magduduwa niya kini kaniadto dihang sa kolehiyo.
Sa main game sa alas-6:45 sa gabii, ang Magnolia Hotshots ug Phoenix Fuel Masters tuyo nga makabawi human napilde sa miagi nilang mga duwa.
- Latest
