Parks Jr. mohimo na's iyang PBA debut
Lemuel P. Maglinte (Banat) - May 19, 2019 - 12:00am

CEBU, Philippines — Masentro karon sa atensiyon sa mga PBA fans si kanhi NBA D-League cager Ray Parks Jr. nga mohimo sa iyang 'debut' sa liga uban sa Blackwater Elite.

Ang Blackwater makigsangka sa Meralco Bolts sa opening game sa PBA Commissioner's Cup karong alas-4:30 sa hapon didto sa  Mall of Asia Arena.

Ang two-time ABL MVP nga si Parks sukdon sa mga Meralco kun  mosalir ba ang abilidad niini sa PBA.

Interesante ang sangka sa duha tungod kay ang Meralco maoy usa sa mga koponan nga mihagad sa Blackwater og trade aron makuha si Parks, apan ang naulahi wala mibuhi sa ilang No. 2 pick sa miaging PBA draft.

Ang 6-foot-3 nga si Parks kinugos usab ni Meralco coach Norman Black nga suod nga higala sa iyang amahan nga si kanhi PBA legendary import Ray Parks Sr.

Gawas ni Parks, mokawat usab og atensiyon ang mga imports sa matag koponan.

Mobida sa Blackwater si veteran Alex Stephenson, ang kanhi import sa Meralco, samtang ang Bolts mikuha ni Gani Lawal isip reinforcement.

Sa main game sa alas-6:45 sa gabii, ang Alaska Aces moduwa uban ang ilang 6-foot-9 import nga si Chris Daniels batok sa Columbian Dyip nga mikuha ni Kyle Barone isip reinforcement. 

PARKS JR.
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with