Water Market, laing duha gisubhan dayon og daog

CEBU, Philippines — Gisugat dayon og daog ang defending champion Water Market batok sa AMBL Tarpulin Makers, 64-55 pagsugod sa Power Forty-St. Augustine Cup 2019 kagahapon diha sa Inayawan Sports Complex.

Nagkumbinar og 25 puntos sila si Cocoy Dequit ug Alan Borces aron mangu sa scoring sa Water Market nga  milusad og 14-4 run sa second quarter aron mailog ang labaw, 27-20 sa halftime, samtang sila si Nando Sumargo ug Bodak Tantiado mikandos og 10 puntos matag.

Si Robert Abasolo mao sab ang nangu sa AMBL nga mikulit og 20 puntos.

Gisubhan sab og daog ang Team Sanchez pinaagi sa paglubong sa LJR Ventures, 72-51.

Si Ting Cabrera maoy topscorer sa Team Sanchez nga mikadlit og 20 puntos, si Joseph Abasolo miamot og 16 puntos, samtang si Berong Cabatas miambit og 13 puntos sa maong daog. 

Bayente puntos sab og ang nahimo ni Roel Sumalinog aron mangu sa  LJR Ventures.

Midaog sab ang SGRE human makaipsot sa Stronghold, 82-76.

Gipangulohan ni Layl Vasquez ang daog  sa iyang 20 puntos, gisundan ni Adon Dejacto nga adunay 19 puntos ug Teody Ebrado sa iyang 16 puntos sa SGRE.

Ang Stronghold gipangulohan ni Joel Cañete nga mibagnos og 22 puntos, gisundan sa  uyohan niining si Nante Cañete nga mikadlit og 14 puntos, samtang si Jopel Cañete miambit og 10 puntos sa  Stronghold.

Ang liga nahimo pinaagi sa paningkamot ni El Presidente ug CESAFI head referee Edwin Dejacto Sr. 

PUNTOS MATAG USA

Unang duwa:

WATER Market (64) – Dequit 13, Borces 12, Sumargo 10, Tantiado 10, Ozon 8, Lim 6, Eleguin 3, Tudtud 2.

AMBL (55) – R. Abasolo 20, Ocariza 9, Alvarado 8, Ocampo 6, Jaca 4, Flordiliza 4, Labalan 2, Mabatuan 2.

Ikaduhang duwa:

SANCHEZ (72) – Cabrera 20, J. Abasolo 16, Cabatas 13, Ybiernas 8, Cantarona 6, Dayota 4, Fuentes 2, Magallon 1.

LJR Ventures (51) – Sumalinog 20, Rabaya 7, Abapo 6, Abellanosa 5, Singson 4, Echavez 4, Nacional 3, Loreto 2.

Ikatulong duwa:

SGRE (82) – Vasquez 20, Dejacto 19, Ebrado 16, Delarama 6, Nacional 5, Misa 4, Carbonilla 4, Gadiano 4, Dumali 2, 

Sabejon 2.

STRONGHOLD (76) – Joel Cañete 22, N. Cañete 14, Jop. Cañete 10, Mercado 9, Yu 7, Yosores 6, Abasolo 2, Peligro 2, 

Cabreros 2, Layam 2.