SEA Games hosting dili buhian sa Pilipinas bisan nagkalisud
CEBU, Philippines — Mipasalig ang kadagkoan sa sports sa Pilipinas nga mahinayon ang hosting dinhi sa Southeast Asian Games sa Nobiyembre ning tuiga.
Kini bisan pa sa mga huhungihong nga naglisud ang Pilipinas sa preparasyon alang sa SEA Games ug andam ang nasud sa Indonesia nga mosawo kun ugaling dili mahapsay ang mga binyu alang sa mga duwa.
Si Philippine Olympic Committee president Ricky Vargas mipasalig nga mahinayon ang SEA Games sa nasud tungod kay kini ang ikaupat nga higayon nga mo-host ang Pilipinas sa maong multi-sporting events.
Hinuon, si Vargas miingon nga hinay ang preparasyon sa nasud, apan gimandoan na niya ang mga opisyales nga paspasan ang pagtrabaho niini.
Si Philippine SEA Games Organizing Committee (PHISGOC) chairman Alan Peter Cayetano mipasalig sab nga bisan pa og kulang pa sa budget, makapahigayon ang nasud og engrandeng hosting sa SEA Games.
- Latest