El Tesoro Turrones kampiyon sa Alberto's Pizza11th anniversary Bowling Tourney
CEBU, Philippines — Ang El Tesoro Turrones nakaprotehir sa ilang labaw sa katapusang adlaw aron mouli bitbit ang championship trophy sa Alberto's Pizza 11th Anniversary Bowling Invitational Tournament diha sa SM City Cebu Bowling Center.
Ang mga magduduwa sa El Tesoro Turrones mirehistro og 1,0220 pinfalls aron maghari sa upat ka adlaw nga torneyo.
Nakapatumba sila og 829, 870 ug 776 pinfalls sa katapusang tulo ka hugna.
Sila si MicMic Miranda, Jericho Jumapao, Jomar Jumapao, Luke Bolongan, Jaime Sainz ug Dovie Sainz maayo kaayong nakaduwa hinungdan nga ilang nadaog ang championship title.
Ang bowlers sa E.O. Bucoy Consultants nga sila si John Galindo, Brian Sy, Joshua Galarse, Docdoc Gothong ug Joseph Yu mitapos sa ikaduhang dapit uban ang 9,943 pinfalls, samtang ang San Remigio Beach Club nalandig sa ikatulo sa ilang 9,939 pinfalls.
Sa laing bahin, ang E.O. Bucoy Consultants maoy nakakuha sa highest team single score sa maong adlaw uban ang 911. Si Jomar Jumapao midaog sa ikatulo niyang highest individual score sa men's division sa pagposte niini og 245, samtang si Cynthia Uybengkee sa CETBA Ladies uban sa iyang 186 sa habig sa kababayen-an. (BANAT NEWS)
- Latest
