Registration sa 'Lacion MTB Duathlon 3.0 sugod na

CEBU, Philippines — Sugod na karon ang rehistrasyon alang sa Consolacion Mountain Bike Duathlon 3.0 nga gikatakda karong Marso 3 didto sa SM City Consolacion.

Ang early birds kon kadtong magpalista hangtod sa Pebrero 3 pabayron lamang og P1,450 sa individual category ug P2,900 sa relay event. Ang regular rate lapas sa Pebrero 4 nagkantidad og P1,800 sa individual ug P3,600 sa relay.

Limitado lamang ang slots ngadto sa 300 ka partisipante.

Mahimong magpa-rehistro sa YKK Bikes sa Legaspi street (0915-7645359), Missing Link Cycling sa Robinsons Galleria Cebu (0932-1093633), Cycle Logic Parkmall sa Mandaue City (0933-4821855), o sa ALDO/Onitsuka Servitech-Northroad Paknaan/Tabok branches (0324-204154).

Sa laing bahin, mga kategoriya nga kumbatihan mao ang male elite, female open, ug male age-groups 15-18, 19-24, 25-29, 30-34, 35-39, 40-44, 45-49 and 50-above (golden boys). Duna sa'y espesyal nga mga kategoriya sama sa all-male relay, all-female relay, mixed relay, Ebike, fat bike (3.0 mininum tire size) ug 'Pamugasay'.

Alang sa dugang mga detalye, mahimong motawag sa 0917-3205768 o 0906-9621997. (BANAT NEWS)