^

Estrada, Gonzales sunod target ni Nietes

Emmanuel B. Villaruel (Banat) - January 3, 2019 - 12:00am

CEBU, Philippines — Human natuman ang ang iyang damgo, dunay pa'y gustong kab-uton si ALA Gym superstar Donnie 'Ahas' Nietes hinungdan nga gisaytan niini karon ang labing bug-at nga mga pangan sa super flyweight division.

Si Nietes (42-1-5, 23KOs) hingpit nga nahimong usa ka four-division world champion human gipilde si Kazuto Ioka (23-2, 13KOs) sa Japan aron pagsakmit sa WBO super flyweight belt niadtong bisperas sa Bag-ong Tuig didto sa Wynn Palace Cotai Resort and Casino sa Macau.

Gumikan niini, gilinya sa garbo sa Murcia, Negros Occidental ang iyang kaugalingon ngadto nilang Manny Pacquiao ug Nonito Donaire Jr. isip mao lamang mga Pinoy nga boksidor nga nakasakmit og upat ka world titles sa managlahing weight divisions.

"Of course I am very happy because I have fulfilled my dream to become a four-division world champion," matud pa ni Nietes, ang longest reigning Filipino world boxing champion nga nalista karon sa ika-10 nga dapit sa labing maayong pound-for-pound boxers sa kalibotan sunod nilang Vasiliy Lomachenko, Terence Crawford, Canelo Alvarez, Aleksandr Usyk, Gennady Golovkin, Naoya Inoue, Mikey Garcia, Srisaket Sor Sungvisai ug Errol Spence Jr.

Apan wala pa mahuman si Nietes. Walay plano nga mosaka ngadto sa mas bug-at nga timbang ug gitiradahan karon niya ang gikaintapang mga super flyweights nga taudtaod na niyang  gikalungotan nga makasangka ibabaw sa ring.

"Srisaket Sor Rungvisai, Juan Francisco Estrada and Roman Gonzalez, they are all in my target list. I want to fight next either of them," matud pa ni Nietes. "But it all depends on my manager. I will just abide with their decision because they are the ones who know what is best for me."

Si Rungvisai (47-4,1 41KOs), usa ka two-time WBC 118-pound champion gikan sa Thailand, mao ang Ring magazine ug lineal super flyweight champion, si Gonzalez (47-2, 39KOs) sa Nicaragua kanhi pound-for-pound king, samtang si Estrada (38-3, 26KOs) sa Mexico kanhi WBO/WBA flyweight champion nga maoy unang mipaga sa damgo sa stablemate ni Nietes nga si Milan Melindo nga mamahimong world champion. 

ESTRADA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with