UV Lancers abante sa PCCL national finals
Lemuel P. Maglinte (Banat) - December 9, 2018 - 12:00am

CEBU, Philippines — Giharos sa University of the Visayas (UV) Green Lancers ang Naga College Foundation Tigers, 89-72 sa ilang 'best-of-three' finals series aron sakmiton ang Regional Championship sa 2018 Philippine Collegiate Champions League (PCCL) niadtong Biyernes sa gabii didto sa Arcadia Active Lifestyle Center sa Davao City.

Sa wala pa kini nila maangkon, ang Cebu Schools Athletic Foundation, Inc. (CESAFI) grandslam champion ubos sa pagtimon ni coach Gary Cortes mibuntog una sa Visayas champion Colegio de Sta. Ana de Victorias ug Mindanao titlist Holy Trinity College aron langkaton ang PCCL Vis-Min title.

Gipaksit dayon sa Lancers ang Luzon/NCR regional champion Naga Tigers aron moabante ngadto sa National Finals diin ilang sangkaon ang UAAP champion Ateneo Blue Eagles o ang NCAA champion San Beda Red Lions unya sa Enero 21 didto sa kaulohan.

Mapilde man o modaog, nakaluhaan na sa Lancers ang labing nindot nilang  kampanya sa 15 ka tuig nga kasaysayan sa PCCL diin sila mitapos isip runner-up sa Ateneo niadtong 2007, salamat sa bag-o nga formal sa liga.

Katapusan nga mitikang ang Lancers sa Final Four niadtong 2014 diin ilang gipukan ang University of San Carlos (USC) Warriors, 63-60 aron pagpahiluna sa ikatulong dapit. 

PCCL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with