CEBU, Philippines — Nakuha sa University of the Visayas ang kahigayunan nga makigsangka sa three-peat champion La Salle Greenhills sa finals sa SBP division sa national finals sa 33rd SBP Passerelle Twin Tournament didto sa Pampanga.
Kini human ang UV mirehistro og duha ka dominanteng daog batok sa Mindanao champion Corpus Christi School sa Cagayan de Oro, 74-45, gisundan sa ilang kadaugan batok Luzon champion International School for Better Beginnings sa Lucena, 57-28.
Ang UV laraw nga makabawos sa LSGH human sila napilde sa nauwahi niadtong 2016 finals. Ang Corpus Christi ug ISBB maoy magsangka alang sa third place.
Sa Passerelle division, ang National University ug Corpus Christi mag-abot alang sa championship. (BANAT NEWS)