Pilipinas mihakot laing bronze sa Asiad

CEBU, Philippines – Ang Pilipinas mihakot sa ikaunom nga bronze medal sa Asian Games kortesiya ni jiujitsu fighter Meggie Ochoa.

Si Ochoa mipilde sa laing Pinay nga si Kaila Napolis sa 49 kgs. women's division.

Sila si Ochoa ug Napolis mipakita og nindot nga performance sa elimination ug quarterfinals nga maoy  mitukmod kanila nga moduwa sa semifinals.

Apan ang duha pulos nakahiagum og kapildihan alang unta sa gold medal round.

Si Ochoa napilde ni  Thin Thanh Minh sa Thailand pinaagi sa puntos, samtang si Napolis gipilde pinaagi sa submission ni Jessa Khan sa Cambodia.

Sa laing bahin, duha ka bronze medals ang target sa mga Pencak Silat fighters nga sila si Dines Dumaan ug Jefferson Loon.

Si Dumaan makigsangka ni Muhammad Faizul sa Malaysia ugma sa buntag, samtang si Looc makigharong ni Ngoc Toan Nguyen sa Vietnam.