Nurse bag-ong coach sa Raptors
CEBU, Philippines — Usa ka adlaw human mipirma sa Detroit Pistons ang gitaktak nilang coach nga si Dwayne Casey, ang Toronto Raptors mikuha ni Nick Nurse isip bag-ong head coach.
Si Nurse maoy assistant coach ni Casey sa Raptors nga mikutlo og season record nga 59-23 sa regular season, apan maisip nga pakyas ilang kampanya human sila giharos sa Cleveland Cavaliers sa Eastern Conference semifinals.
Gawas nga suhito na sa sistema sa Raptors, angayan sab si Nurse nga ibutang isip head coach tungod kay nakatabang kini sa pagpalambo sa duwa nilang Kyle Lowry ug DeMar DeRozan. Si Nurse usa sab sa mga assistant coach sa Great Britain nga misulod sa 2012 London Olympics.
- Latest