Blatche moabot sunod semana
Alang sa gilas practice
Ang naturalized center sa Gilas nga si Andray Blatche gikatakdang moabot dinhi sa Pilipinas sa unang semana sunod buwan aron moapil og ensayo sa nasudnong koponan pangandam sa ilang sangka batok Chinese Taipei ug Australia sa third leg sa FIBA World Cup qualifiers.
Unang sangkaon sa Gilas ang Chinese Taipei sa Hunyo 29, dayon ang 'rematch' batok sa Australia sa Hulyo 2.
Basketbol apil sa training ni Ancajas
Sama sa iyang idolo nga si Pinoy boxing icon Manny Pacquiao, giapil sab ni IBF super flyweight champion Jerwin Ancajas ang basketbol nga kabahin sa iyang training pangandam sa title defense niya batok ni Jonas Sultan karong Domingo didto sa Save Mart Center sa Fresno, California.
Si Ancajas mihulagway sa basketbol nga dakong tabang sa iyang kaabtik ug stamina nga magamit niya ibabaw sa ring. Si Ancajas mihimo na lang og light training samtang nagkaduol ang away, apan magduwaan gihapon siya og basket sa usa ka hardcourt didto sa California.
- Latest