Veterans, rookies Gilas players nag-abot

CEBU, Philippines — Nakita ang tibuok kusog sa Gilas Pilipinas  dihang milampos sila si Samahang Basketbol ng Pilipinas chairman emeritus Manny V. Pangilinan ug Gilas coach Chot Reyes   pagtapok sa mga batan-on ug veteran players nga sakop sa nasudnong koponan.

Gitubag sa mga players ang hagit sa mga SBP officials nga mopakita sa labing unang training sa national team pangandam sa 2023 FIBA World Cup diin usa ang nasud sa mga host.

Miapil sa ensayo sa Gilas niadtong Lunes sa gabii didto sa Meralco gym mao ang mga collegiate standouts  nga naglakip  sa Sugboanon nga si Paul Desiderio, Thirdy Ravena, CJ Perez, Isaac Go, Kemark Carino, J-Jay Alejandro, Javee Mocon, Robert Bolick, Juan Gomez De Liano, Will Gozum, Arvin Tolentino, Jeo Ambohot, Ricci Rivero ug Joshua Sinclair.

Nasukod dayon ilang abilidad dihang   nakig-uban sa training sa mga karaan ug sinaligan sa Gilas sama nila ni  Kiefer Ravena, Troy Rosario, Allein Maliksi, Carl Cruz, Roger Pogoy, Mac Belo, Kevin Alas, Jio Jalalon, Japeth Aguilar, Jayson Castro, Matthew Wright ug Gabe Norwood.

Ang mga Gilas mainstay maoy mobida sa second leg sa 2019 FIBA World Cup qualifiers nga sugdan sa Pebrero.

Sangkaon sa Gilas ang Japan sa Pebrero 25 sa Smart Araneta Coliseum ug dayon ang Australia sa Hulyo 2. (BANAT NEWS)