Pacquiao kinahanglan pa magpaabot

CEBU, Philippines -  Ang ‘rematch’ batok ni Jeff Horn ug sangka batok undefeated Terence Crawford mao ang nasaytan sa kampo ni Pinoy boxing legend Manny Pacquiao.

Apan, kun kini ang gusto ni Pacquiao, kinahanglan pa siya magpaabot tungod kay mismo si Top Rank Inc. CEO Bob Arum  miingon nga unahon pa ang sangka tali ni Horn ug Crawford alang sa WBO welterweight title  nga gikatakda sa  sayong bahin  sunod tuig.

Si Arum nagkanayon nga kun gusto ni Pacquiao, mamahimo niyang sangkaon ang modaog tali sa duha.

Si Pacquiao, 39-anyos, napilde ni Horn pinaagi sa  controversial unanimous decision niadtong Hulyo  2 didto sa Australia ug gusto niya nga mobawos sa Australian brawler.

Dugay na usab milutaw ang pangan ni Crawford nga iparang ni Pacquiao.

Si Crawford maoy hari sa junior welterweight sa wala pa misaka sa 147 lbs.

Matud ni Arum   nga ang buwan sa Abril maoy iyang labing nindot nga petsa nga mahatag ni Pacquiao aron mohimo sa iyang comeback fight. (BANAT NEWS)