Opisyal na nga gipahibalo ni kanhi UAAP MVP ug amateur standout Kiefer Ravena nga mosalmot siya sa 2017 PBA Rookie Draft nga himuon sa hinapos nga bahin ning tuiga. Seguradong usa si Ravena sa pistahan sa PBA teams uban ni Fil-German standout ug Gilas bigman Chris Standhardinger.
Rice gipamulta
Gipamulta og P26,000 sa PBA Commissioner’s office si TNT KaTropa import Glenn Rice Jr. tungod sa iyang pagdaro ni Ginebra Kings rookie Kevin Ferrer ug pagbalikas sa mga referees.
Rondo wala pa’y klaro
Wala pa’y klaro kun kanus-a pa magamit sa New Orleans Pelicans ilang All-Star guard nga si Rajon Rondo. Sa nasayran, nga si Rondo adunay seryosong injury sa buko-buko. Si Rondo moduwa unta sa labing una niyang season sa Pelicans, apan mireklamo kini tungod sa pagsakit sa iyang buko-buko human sa ilang pre-season game batok sa Oklahoma City Thunder niadtong miaging semana.