Gilas Pilipinas moharong karon sa Thailand sa SEA Games

CEBU, Philippines - Sugdan na sa Gilas Pilipinas ang ilang kampanya alang sa gold medal sa basketball event sa Southeast Asian Games diin  ila dayon sangkaon ang lig-on  nga Thailand.

Ang duwa gikatakda sa alas-9 sa gabii, ang giisip nga championship preview tungod kay ang Thailand man ang bugtong koponan nga makatupong sa abilidad sa Gilas.

Ang  Thailand milig-on tungod sa ilang naturalized   player  nga  si  Tyler  Lamb, usa sa mga leading scorer sa ASEAN Basketball League (ABL).

Ang Gilas gibidahan sa mga PBA rookies ug amateur standouts.

Napugos ang Gilas pagpadala sa ilang  Gilas cadets tungod kay ang mga PBA stars atua miduwa sa FIBA Asia Cup sa Lebanon.

Hinuon, ang Fil-German nga si Chris Standhardinger mibiya  sa Lebanon ug miapas didto sa Malaysia aron moduwa sa Gilas Pilipinas. Gawas ni Standhardinger, ang nasudnong koponan bidahan sab nila ni Kiefer Ravena, Bobby Ray Parks, Kevin Ferrer ug Mac Belo. (BANAT NEWS)