TNT-SMB finals moabot sa Game 7
CEBU, Philippines – Giandam na ni TNT KaTropa head coach Nash Racela iyang kaugalingon tungod kay nakita niya nga moabot sa Game 7 ang PBA Commissioner's Cup finals series tali kanila ug San Miguel Beermen.
“In the PBA you don’t expect a sweep. I expect a Game Seven,” matud pa ni Racela sa Spin.com.
Si Racela miingon nga maisip nga bintaha sa Beermen kon mulungtad ang serye ilabi na nga adunay gidala-dala nga minor injury ilang import nga si Joshua Smith.
Gidasunan hinuon ni Beermen coach Leo Austria ang pamahayag ni Racela ug miingon nga interesante ang serye tungod usab sa line-up sa tagsa-tagsa ka koponan nga pulos adunay mga lig-ong key players.
Hinuon positibo si Austria nga sila ang mopatigbabaw tungod usab kay salig siya sa iyang mga sinaligan sama nila ni PBA MVP June Mar Fajardo, Chris Ross ug import Charles Rhodes. (LPM) (BANAT NEWS)
- Latest
