Nauwawan
Emmanuel Villaruel (Banat) - April 9, 2017 - 12:00am

CEBU, Philippines - Gipakauwawan sa ilang kaugalingon balwarte ang  defending champion Cleveland Cavaliers human sila gilubong sa Atlanta Hawks, 114-100 sa NBA kagahapon didto sa Quicken Loans Arena sa Cleveland, Ohio.

Si Tim Hardaway Jr. miiskor og 22 puntos  sa  Hawks nga wala migamit bisan og usa sa lima nila ka starters batok ni LeBron James ug Cavs, kansang upat ka sunod-sunod nga daog didto sa ilang balwarte nasanta.

Si James mipabuhagay og 27 puntos uban ang walo ka rebounds ug pito ka assists, apan dili kini igo sa Cavs aron mabihag ang Hawks nga dunay unom ka players nga mikadlit og double figures, apil na si Mike Dunleavy sa iyang 20 puntos.

Ang   kadaugan   sa Hawks nagtukmod kanila ngadto sa ikalimang puwesto sa Eastern Conference.

Si Kyrie Irving dunay 18 puntos ug si Kevin Love mipupo og 15 puntos ug 15 sab ka rebounds alang sa Cavs, kansang labaw sa Boston Celtics alang sa liderato sa East nikuyos ngadto sa usa na lang ka duwa.

Ang Cavs mipasud lamang og siyam sa 36 nila ka 3-pointers ug sa usa ka  higayon nalubong og 20 puntos sa nahabiling dos minutos sa duwa.

Ang Cavs ug ang Hawks mag-abot og usab karong Lunes didto sa Atlanta.

Sa laing duwa, ang Toronto Raptors midaog sab batok sa Miami Heat, 96-94, ang Detroit Pistons mipilde sa Houston Rockets, 114-109, gilubong sa Memphis Grizzlies ang New York Knicks, 101-88.

Midaog sab ang San Antonio Spurs human nila gipaluhod ang Dallas Mavericks, 102-89, ang Utah Jazz miihaw sa Minnesota Timberwolves, 120-113, gilat-an sa Denver Nuggets ang New Orleans Hornets, 122-106, samtang gipakaging sa Phoenix Suns ang Oklahoma City Thunder, 120-99 ug ang Los Angeles Lakers nakaipsot batok sa Sacramento Kings, 98-94. (BANAT NEWS)

TIM HARDAWAY JR.
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with