22nd JRG Tennis Cup mosikad na karon
Emmanuel B. Villaruel (Banat) - April 2, 2017 - 12:00am

MANILA, Philippines - Dul-an sa 150 ka junior netters sagad gikan sa Sugbo ang mopakita’g aksiyon sa ika-22 nga edisyon sa JRG Gullas Tennis Cup nga sugdan karong adlawa didto sa dakbayan sa Naga.

Gawas sa covered courts sa Naga, pipila ka mga duwa sa eliminasyon ang ipahigayon diha sa CitiGreen Tennis Resort sa Barangay Punta Princesa, dakbayan sa Sugbo.

Naglangkob sa mga out-of-town entries mao sila si Ashton Villanueva gikan sa Mindanao ug Nicoloas Ucat sa Ormoc.

Samtang mga pambato sa Sugbo mao sila si Russel Cero, ang garbo sa Naga nga si Clyde Paterson ug Vince Alforque.

Sa girls division, sila si Elizabeth Abarquez ug Shayne Villareal maoy mga bitoon nga angayang lantawon.

Mga kategoriya nga kumbatihan sa lima ka adlaw nga torneyo mao ang unisex 10-under ug boys and girls 12, 14, 16 ug 18. Duna sa’y doubles event alang sa unisex 10-under ug boys and girls 14 ug 18.

Gawas nga makaani og puntos gikan sa PHILTA (Philippine Tennis Association) nga ilang gikinahanglan alang sa ilang rankings, ang mga modaog makadawat sab og gift certificates.

Si Dr. Jose ‘Dodong’ R. Gullas, nga maoy nagpasiugda ning labing daku nga junior tennis event gawas sa Manila, nanghinaut nga ang tinuig niyang kalihukan sa Cebu sports makaabag pagpalambo sa abilidad sa mga bag-ong talento ilabi na ngadto sa mga hinikawan sa maayong palad.

Isip kabahin sa iyang kawsa, si Gullas mohatag og lima ka bag-ong rackets ngadto sa mga kabus, apan dunay potensiyal nga mga atleta. (BANAT NEWS)

JRG GULLAS TENNIS CUP
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with