Quiñahan nakaipsot sa AC Troopers

CEBU, Philippines - Miagi pa og overtime ang  team  Quiñahan  una mapukan ang AC Troopers,  79-72 sa   Cebu Legends Basketball Association (CELBA)  First Conference basketball tournament niadtong Miyerkules didto sa Canduman Housing gym, dakbayan sa Mandaue.

Sa sayo pa, ang Luke Genesis mikulit sa ilang ikaduhang daog dihang gipilde nila ang SIBA sa iskor nga 46-39.

Ang Luke Genesis ug SIBA  pareho na karong nagbitbit og 2-2 nga baraha uban sa Quiñahan.

Si Richard Madrid maoy nagbangis sa maong duwa diin miratsada siya og 21 puntos aron pangulohan ang Quiñahan. Ang seasoned nga si  Rene ‘Rensen’ Seno mihimo’g double-double sa iyang 16 ug 11 ka rebounds uban ang lima ka assists aron tabangan ang Quiñahan ni Eboy Quiñahan nga makaikyas sa mga kamot sa AC Troopers.  Sila si Marcial Marturillas ug Ariel Ocier nagkumboya’g 22 puntos

Upat sab ka players sa AC Troopers ni P/Insp. Dondon Coloscos ang miiskor og double figures sa pagpangulo ni Joel Cabahug, samtang sila si Coloscos, Lindsay Bontilao ug Opong Englis nagtampohay og 10 puntos sa AC Troopers nga nakatilaw sa ikatulo nilang pilde batok sa usa ka daog.

Ang AC Troopers mao unta ang naglabaw pag-entra sa fourth quarter, 54-49  ug napapas ilang labaw sa nahabiling 54 segundos, 62-61 sa duha ka free throws ni Madrid.

Sa katapusang singko segundos sa regulasyon, gihatagan unta og higayon ang AC Troopers pagkawat sa daog, apan si Ramil Baclay mipasud lang og usa sa duha niya ka free hinungdan sa overtime, 62-all.

Sa dugang singko minutos,  salida na tanan sa Quiñahan ug wala na kini motugot nga makasikit pa ang AC Troopers.

Gipasiugdahan  ni CELBA   interim  president  P/Insp.  Dondon  Coloscos,  ang  liga gipadagan ni   commissioner  Albert  ‘Obeth’ Ramos inabagan nilang Rudy Candelada, Lloyd Chavez ug Willy Medillo, ingon man nilang Norman Tisoy, Marcos Barden ug Ericson Villamor.

Puntos matag usa

Unang duwa:

LUKE Genesis (46) – Taghoy 9, Suson 8, Herbieto 8, Herbieto 6, Herbieto 5, Alabat 2, Castillo 2, Oquias 2, Curayag 2, Alcontin 2.

SIBA (39) – Federez 9, Miñoza 6, Baguio 6, Bathan 4, Sugay 4, Borgonia 2, Abelong 2, Abanid 2, Judilla 2, Geonzon 2.

Ikaduhang duwa:

QUIÑAHAN (79) – Madrid 21, Seno 16, Marturillas 12, Ocier 10, Beldera 7, Monsanto 4,  Lavador 3, Sabalones 2, Cena 2, Ermac 2.

AC Troopers (72) – Cabahug 13, Coloscos 10, Bontilao 10, Englis 10, Miñoza 6, Dakay 6, Baclay 4, Molit 4, Chavez 4, Saldua 3, Buenavista 2. (BANAT NEWS)