J. Espina agrivet kampiyon sa 4th Mayor dan jusay cup
Bot Glorioso, Yoyo R. Abayan (Banat) - February 4, 2016 - 9:00am

CEBU, Philippines - Nagkuros na ang ilang mga dalan sa miaging tuig, ug sama sa una nilang panagbagat, ang J. Espina Agrivet mao gihapon ang mipatigbabaw batok sa Juliet Bakeshop.

Ang J. Espina Agrivet ubos sa pagtimon ni coach Johnny Dieta mipabuhagay  sa ilang katakus sa opensa ug depensa aron mabuntog ang Juliet Bakeshop, 77-75  aron masakmit ang kampiyonato sa 4th Mayor Dan Jusay Cup basketball tournament niadtong Domingo didto sa Pedro J. Monsanto Cultural and Sports Center sa Catmon, sa amihanang bahin sa Sugbo.

Ikaduha na kining higayon nga nag-abot ang duha sa final. Sa una nilang panag-abot ang J. Espina Agrivet mipukan sab sa Juliet Bakeshop, 82-78 aron pagdaog sa titulo sa Lataban Fiesta Open basketball tournament niadtong Mayo 1 sa miaging tuig didto sa Liloan, Cebu.

Ang J. Espina Agrivet maoy nidominar sa unang-duha ka kuwarter, apan nibahar ang ilang duwa sa third period nga naghatag og higayon sa Juliet Bakeshop  pag-abante og singko puntos paghuman sa maong kuwarter. Nainat pa ang labaw ngadto sa otso puntos sa katapusang kuwatro minutos sa fourth quarter.

Imbes nga maluya, nadasig hinuon sa pakigbisog ang J. Espina Agrivet hangtod nga nailog nila og balik ang momentum  dayon na pagtabok sa taytayan sa kalampusan. Usa sa nakapadasig sa mga magduduwa sa J. Espina Agrivet mao ang presensiya sa team owner/manager niining si Jojie Espina, kinsa personal nga mitan-aw sa duwa aron mohatag sa iyang moral nga suporta.

Ang J. Espina Agrivet gilangkuban ni MVP Bogs Llanto uban nilang Danny Aying, Jean Marie Mpouma, Russell Moniva, Alex Cainglet, Frank Nailon, Baruk Ceniza, Nat Cruz  John Netcruz, Mark Abadia, Menguito ug ang anak ni Jojie nga si Jonher Espina, kinsa moduwa na uban sa J. Espina Wildcats batok sa USJ-R Jaguars sa semis sa 1st Capt. Raul Cabanero Inter-collegiate sa Enero 8.

Ang 4th Mayor Dan Jusay Cup nagmalampuson tungod sa paningkamot ug suporta nilang George Molina, Genaro Joromo ug Ashley Rebuyas ug  kaubanan. (BANAT PALARO)

AGRIVET ALEX CAINGLET ANG ANG J ASHLEY REBUYAS BARUK CENIZA BOGS LLANTO ESPINA ESPINA AGRIVET JULIET BAKESHOP MAYOR DAN JUSAY CUP
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with