17th Sinulog Open bowling mosikad karong adlawa
(Banat) - January 31, 2016 - 9:00am

CEBU, Philippines - Kapin sa usa ka gatus ka tadhang mga bowlers sa nagkadaiyang suok sa nasud ang nagpanikad nang mopakita og aksiyon sa 17th Sinulog Open National Bowling Tournament nga sugna na karong adlawa didto sa Gaisano Bowlingplex sa Barangay Banilad, dakbayan sa Sugbu.

Ang duha ka miyembro sa Philippine Team nga sila si RJ Bautista ug Jeff Carabeo ingon man ang Sugbuanong SEA Games campaigner nga si Jomar Jumapao maoy nag-una sa listahan sa mga top contenders sa maong usa ka semana nga torneyo.

Ang Bowlingplex Tenpin Association (BTA) ubos sa liderato ni Bel Suelto Jr., nga maoy nag-organisa sa maong event, nagpaabot sab sa presensiya ni 2006 world champion Biboy Rivera ug uban pang mga sakop sa national team samtang nagkaduol na ng adlaw sa kompetisyon.

Kini gumikan kay qualifying rounds pa man ang mahitabo karong Pebrero 1-6. Ang giatngan nga masters open finals banatan unya pa sa Pebrero 7.

Ang top 47 bowlers human sa unom ka qualifying games maoy mo-abante sa masters finals. Makigduyog kanila mao ang Davaoeño nga si Sonny Dimaano, nga seeded nang daan isip defending champion.

Gawas sa masters, duna  say team, doubles, all-events ug singles event nga kumbatihan. Ganting salapi ang ipaud-apud ngadto sa mga mananaog. (BANAT NEWS)

 

ANG ANG BOWLINGPLEX TENPIN ASSOCIATION BARANGAY BANILAD BEL SUELTO JR. BIBOY RIVERA GAISANO BOWLINGPLEX JEFF CARABEO JOMAR JUMAPAO NGA PEBRERO PHILIPPINE TEAM
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with