Warriors miinat sa ilang best start, 24-0
Gabby G. Malagar (Banat) - December 12, 2015 - 9:00am

CEBU, Philippines – Gipalapdan pa og maayo sa Golden State Warriors ang ilang sensational season-opening winning streak ngadto sa 24  human  makaipsot batok sa  Boston Celtics,124-119 pinaagi sa double overtime  sa duwa nila sa NBA kagahapon didto sa TD Garden sa Boston, Massachusetts.

Ang  NBA  scoring leader nga si Stephen Curry nakapasulod og duha ka free throws sa nahabiling 13.4 segundos sa second overtime ug ang swingman sa  Warriors nga si Andre Iguodala midugang   og laing duha ka foul shots sa katapusang 5.4 segundos  aron  pagpukan sa Celtics.

Sa kinatibuk-an, ang Warriors mikulit na og   28 ka daog lakip ang ilang streak sa miaging season.

Ang ilang pagdaog og 27 ka sagunson nga duwa mitabla na sa ikaduhang labing taas nga streak sa NBA nga nahimo sa 2013 nga Miami Heat ug karon hapit na nila maapas ang nagkadinang 33 ka  daog  nga nahimo sa 1971-1972 nga Los Angeles Lakers pinangulohan sa Legend nga si Wilt Chamberlain kansang 100 puntos wala lang gihapon matupngi.

Ang Warriors nagduwa nga wala ang ilang duha ka injured starters nga silang Klay Thompson ug Harrison Barnes.

Si Curry, kinsa maoy NBA scoring leader  igo lang mihimo’g siyam sa iyang  27  ka tirada. Apan 6-for-13 siya gikan sa 3-point range ug wala’y sipyat sa 14 niya ka free throws.

Si Draymond Green miamot og 24 puntos alang sa Warriors uban sa 11 ka  rebounds, walo ka  assists ug season-high nga lima ka blocks , samtang si Iguodala miamot og 13 puntos.

Tapuson sa  Warriors ang ilang seven-game road trip batok sa Milwaukee Bucks karon diin ilang suwayan paghimo og kasaysayan isip labing  unang team sa NBA nga makahimo’g 7-0 sa usa lang ka road swing. (BANAT NEWS)

ANDRE IGUODALA ANG ANG WARRIORS BOSTON CELTICS DRAYMOND GREEN GOLDEN STATE WARRIORS HARRISON BARNES KLAY THOMPSON LOS ANGELES LAKERS NBSP NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with