^

Warriors nakatabla sa “Best start”, 15-0

Gabby G. Malagar (Banat) - November 23, 2015 - 9:00am

CEBU, Philippines – Gipilde sa Golden State Warriors ang host Denver Nuggets, 118-105 aron makatabla sa best start  sa kasaysayan sa NBA nga adunay 15 ka daog.

Ang reigning NBA champion nga Warriors  mitabla sa best start 15-0  nga nahimo sa Washington Capitols niadtong   1948-1949  ug sa  Houston Rockets niadtong 1993-1994.

Posible sab nilang mabuak ang maong rekord ugma dihang ilang ikasangka ang Los Angeles Lakers didto sa ilang homecourt sa Oracle Arena sa Oakland, California.

Ang laing nahimong kasaysayan sa Warriors mao nga ila nang naapsan ang rekord sa 1957-1958 Boston Celtics alang sa best start sa usa ka defending champion.

Human sa three-pointer ni  Klay Thompson sa  nahabiling 2:08 sa second quarter, wala na gyud makasikit og usab ang Nuggets. Samtang ang mga reserves sa Warriors nagkamada na og daghang puntos, wala na pabalika’g duwa si Stephen Curry  sa tibuok fourth quarter.

Si Thompson mikamada og 21 puntos aron pangulohan ang Warriors, samtang si Curry  igo lang miamot og 19 puntos, ang labing unang higayon karon nga season diin wala siya makaabot og 20 puntos.

Si Darrell Arthur mibahog sab og 21 puntos alang sa Nuggets, kinsa napilde na og tulo ka sagunson ka duwa.

Wala hinuon makaduwa alang sa Nuggets si Kenneth Faried tungod sa piang sa iyang walang tikod.

Si Harrison Barnes midugang og 17 puntos alang sa Warriors.

Sa laing mga duwa, ang New Orleans Pelicans mipilde sa Phoenix Suns,  122-116, gipakuratan sab sa Brooklyn Nets ang Boston Celtics, 111-101.

Gipilde sab sa Toronto Raptors ang Los Angeles Clippers, 91-80,   ang Oklahoma City Thunder mipakaging sa   Dallas Mavericks, 117-114 ug ang  Portland TrailBlazers milubong sa L.A. Lakers, 107-93. (BANAT NEWS)

ANG BOSTON CELTICS BROOKLYN NETS DALLAS MAVERICKS DENVER NUGGETS GIPILDE GOLDEN STATE WARRIORS HOUSTON ROCKETS KENNETH FARIED KLAY THOMPSON NBSP
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with